നിസ്കാരം
സോക്സ് ധരിച്ച് നിസ്കരിക്കമോ??? Ans; നിസ്കരിക്കാം. എന്‍കിലും സുജൂദിന്‍റെ അവയവമായ വിരലിന്‍റെ പള്ള മറയില്ലാതെ വെക്കല്‍ സുന്നത്താണ്. (ഫത്ഹുല്‍ മുഈന്‍) ഔറത്ത് മറയ്ക്കാതെ കുട്ടികളെ നിസ്കാരം പരിശീലിപ്പിക്കാമോ??? Ans;പാടില്ല. (ഫത്ഹുല്‍ മുഈന്‍ 213) ജുമുഅ പിരിയുന്നതിനു മുംബ് സ്ത്രികള്‍ക്കു ളുഹ്ര്‍ നിസ്കരിക്കല്‍ അനുവദനീയമാണോ?? Ans; അനുവദനീയമാണ്. മാത്രമല്ല ജുമുഅ തീരുന്നതു കാത്തു നില്‍ക്കാതെ വേഗത്തില്‍ ളുഹ്ര്‍ നിസ്കരിക്കലാണു സ്ത്രീകള്‍ക്കു സുന്നത്ത്. (തുഹ്ഫ 2/418) സുജൂദില്‍ കണ്ണടക്കാമോ?? Ans; കണ്ണടയ്ക്കാതിരിക്കല്‍ സുന്നത്താണ്. (ഫത്ഹുല്‍ മഈന്‍ 69) ഫര്‍ള് നിസ്കാരം ഖളാ ഉള്ളവന്‍ സുന്നത്ത് നിസ്കരിക്കുന്നതിന്‍റെ വിധി എന്ത്?? Ans; ഫര്‍ള് നിസ്കാരം ഖളാ ഉള്ളവന്‍ അതു ഖളാ വീട്ടാതെ നിര്‍വഹിക്കുന്ന എല്ലാ സുന്നത്ത് നിസ്കാരങ്ങളും അവനു ഹറാമാണ്‌. എന്നാല്‍ സുന്നത്ത് നിസ്കാരം സ്വഹീഹാകുന്നതുമാണ്. ( കുര്‍ദി 1/144) വസ് വാസുള്ള ആളെ തുടര്‍ന്നു നിസ്കരിക്കാമോ?? Ans; വസ് വാസുള്ളവരെ തുടര്‍ന്നു നിസ്കരിക്കല്‍ കറാഹത്താകുന്നു. (ഫത്ഹുല്‍ മുഈന്‍ 132) ബീജം തുപ്പുനീര്‍ എന്നിവ നജസണോ? ഇവ വസ്ത്രത്തിലായാല്‍ നിസ്കാരം സ്വഹീഹാകുമോ?
Ans; ഇവകള്‍ നജസല്ല. ഇവ വസ്ത്രത്തിലായാല്‍ കഴുകല്‍ നിര്‍ബന്ധമില്ല. (ശറഹ് ബാഫള്ല്‍ 1/168) നില്‍ക്കാന്‍ കഴിവുള്ളവര്‍ക്ക് സുന്നത്ത് നിസ്കാരം ഇരുന്ന് നിര്‍വഹിക്കാമോ??? Ans; നിര്‍വഹിക്കാം. ഫര്‍ള് നിസ്കാരത്തില്‍ മാത്രമേ നില്‍ക്കല്‍ നിര്‍ബന്ധമുള്ളു. (തുഹ്ഫ 2/29) സുന്നത്ത് നിസ്കാരത്തില്‍ സൂറത്ത് ഓതല്‍ സുന്നത്തുണ്ടോ?? Ans; സുന്നത്തുണ്ട്. മയ്യിത്ത് നിസ്കാരത്തിലൊഴികെ മറ്റെല്ലാ നിസ്കാരങ്ങളിലും സൂറത്ത് ഓതല്‍ സുന്നത്താണ്. (തുഹ്ഫ 2/51) പല പള്ളികളിലും ഇന്നു കസേരയില്‍ ഇരുന്നു കൊണ്ടുള്ള നിസ്കാരം പതിവായി കാണുന്നു. പള്ളിയിലേക്കു നടന്നു വരുന്ന ഇവര്‍ നില്‍ക്കാന്‍ കഴിവുണ്ടായിരിക്കേ പല പ്രയാസങ്ങളും പറഞ്ഞ് കസേരയില്‍ ഇരുന്നു നിസ്കരിക്കുന്നു. ഈ നിസ്കാരം സ്വഹീഹാകുമോ??? Ans; സ്വഹീഹാവില്ല. സ്വയം നില്‍ക്കാന്‍ കഴിവില്ലാത്ത ആളുകള്‍ വടിയുടെയോ മറ്റൊരാളുടെയോ സഹായത്താല്‍ നിന്നു തന്നെ നിസ്കരിക്കണം. സഹായിക്കുന്നവന് കൂലി കൊടുത്തിട്ടാണെകിലും അപ്രകാരം ചെയ്യണം. ( ശര്‍വാനി 2/20) നിസ്കാരത്തിലായിരിക്കെ സലാം പറയപ്പെട്ടാല്‍ നിസ്കരിക്കുന്നവന്‍ എന്തു ചെയ്യണം??? Ans; കൈ ഉയര്‍ത്തിക്കാണിക്കുകയും നിസ്കാരത്തില്‍ നിന്നു വിരമിച്ച ശേഷം സലാം മടക്കുകയും ചെയ്യല്‍ സുന്നത്താണ്. (ഫത്ഹുല്‍ മുഈന്‍) നാലു റക്അത്തുള്ള നിസ്കാരത്തില്‍ ഇമാം അഞ്ചാം റക്അത്തിലേക്ക് ഉയര്‍ന്നാല്‍ മഅ്മൂമീങ്ങള്‍ എന്തു ചെയ്യണം??? Ans;അവര്‍ ഇമാമിനെ പ്രതീക്ഷിച്ച് അവിടെത്തന്നെ ഇരിക്കുകയോ ഇമാമിനെ വിട്ടു പിരിയുകയോ ചെയ്യാം. ഇമാമിന്‍റെ കൂടെ എഴുന്നേല്‍ക്കാന്‍ പാടില്ല. (ഫത്ഹുല്‍ മുഈന്‍) മറയുടെ പിന്നില്‍ നിന്നു നിസ്കരിക്കുന്നവന്‍ അല്‍പ്പം തെറ്റി നില്‍ക്കണം എന്നു പറയുന്നതു ശരിയണോ??? Ans; ശരിയാണ്. മറ മുഖത്തിനു നേരെയല്ലാതെ അല്‍പ്പം വലത്തോട്ടോ ഇടത്തോട്ടോ തെറ്റി നില്‍ക്കല്‍ സുന്നത്താണ്. (തുഹ്ഫ 2/160) ഒരു സഥലത്തു വെച്ച് ഒരു നിസ്കാരം നിര്‍വഹിച്ചാല്‍ അടുത്ത നിസ്കാരത്തിനു വേണ്ടി മറ്റൊരു സ്ഥലത്തേക്കു മാറി നില്‍ക്കല്‍ സുന്നത്തുണ്ടോ??? Ans;ഉണ്ട്. അല്‍പ്പം മാറി നില്‍ക്കല്‍ സുന്നത്താണ്. (തുഹ്ഫ 2/106) നിസ്കാരത്തില്‍ വിരല്‍ പൊട്ടിക്കുന്നതിന്‍റെ വിധിയെന്താണ്??
ഇസ്‌ലാമിക പഠന വിഷയങ്ങൾക്കായ്‌ ഈ ലിങ്കിൽ ക്ലിക്ക് ചെയ്യുക . https://www.facebook.com/sabeehkulangaraislamicthought ഇസ്ലാമിനെ കുറിച്ചു പഠിക്കാനും .സത്യം മനസിലാക്കി ഈമാനോട്കൂടി ജീവിച്ച് മരിക്കാൻ അല്ലാഹു ഹിദായത്ത് നൽകി അനുഗ്രഹിക്കുമാറാകട്ടെ....آمـــــــــــــين
Comments
Post a Comment